Честичките од загадениот воздух влегуваат во крвта на човекот и влијаат многу лошо, без оглед дали органски или неоргански, а детоксикација не доаѓа предвид.
Ефектите се различни – оние честички што настануваат од согорување и се од органско потекло ги поврзуваат со канцерогени својства – 20-30 отсто од честичките се канцерогени, а останатиот дел механички ги оштетува белите дробови.
Фармацевтите и некои од пулмолозите велат дека не е се така црно со нашите бели дробови во услови на загаден воздух – некои од штетните честички може да бидат елиминирани од организмот преку црниот дроб и бубрезите!
Важно е само да се пијат доволно вода и чаеви за да ги прочистите белите дробови!
Препорачани чаеви со кои може да исфрлите дел од штетните честички од белите дробови :
- особено од лист од подбел,
- мајчина душица,
- риген,
- жалфија…
Внесувањето многу течности помага за детоксикација
Особено го препорачуваат чајот „хелабсин микс“, кој е мешавина од наши лековити растенија. Овој чај неверојатно ја стимулира функцијата на црниот дроб, со што се подобрува и елиминацијата на отровите.
А за дишните патишта, важно е, посебно скопјани, да пијат чаеви од лист од подбел, може и од мајчина душица, риген, цвет од бозел и од невен, лист од тегавец, како и босилек.
Kога треба да се искашла слузта, може да се пие и чај од јаглика, лист од лопен, кој го подобрува искашлувањето, а може и липа и жалфија, кои го намалуваат воспалението и го олеснуваат дишењето – и најбитно од се е граѓаните кога можат, да излезат надвор од загадените градови.