Поради хормоните, жените не можат да складираат доволно витамин Е во своето тело и затоа се позимурливи од зимите отколку мажите.
Иако жените имаат малку повисока телесна температура од мажите, тие побрзо реагираат на студ. Не е невообичаено да се види жена како се смрзнува од студ, додека мажот во исти услови се чувствува пријатно, односно не му е ладно.
Виенскиот професор Хадемар Банкхофер вели дека главните виновници за оваа разлика се типично женските хормони, поради што жените не можат да складираат доволно количество витамин Е во организмот. Логично следи дека за време на ниски температури, на луѓето им треба повеќе витамин Е со цел да се чувствуваат пријатно. Овој витамин е всушност лек за зимски настинки. Исто така се нарекува „витамин на младоста“ и би било сосема оправдано да се добие додаток – „витамин на младост и топлина“.
Природата се стреми да ги продолжи сите видови живот, па затоа се договорила така што долниот дел на стомакот е секогаш топол, особено за жените. За да биде постојан, кога е ладно, организмот црпи топлина од рацете и нозете во долниот дел на стомакот.Затоа циркулацијата во екстремитетите е послаба.
Постои и друга причина – горниот слој на женската кожа е за 15 проценти потенка од машката, и затоа тие побрзо реагираат на студ. На ниски температури, женската кожа е за три степени пониска од машката.
И друга причина – метаболизмот, кој ја одржува телесната топлина, работи подобро ако некој има повеќе мускули затоа што произведува повеќе топлина. Во просек, мажите се повеќе мускулести отколку жените, па затоа реагираат подобро на студ.
