Оваа маска се прави брзо и лесно, а доколку се користи редовно, може да го изедначи тенот. Витаминот Ц е моќен антиоксиданс кој има корисен ефект врз кожата на лицето, поради што можете да го видите во многу анти-ејџ козметички производи.
Користењето на витамин Ц во корист на убавината може да ги намали знаците на стареење, да го намали ризикот од појава на црни и старечки дамки, да ја обнови кожата на лицето по сончањето и да го намали појавувањето на акни.
Како да се користи витамин Ц за нега на кожата на лицето на природен начин?Едноставно е – направете органски прав од кора од портокал и маска што содржи витамин Ц.
Излупете портокали од органско потекло и исушете ја кората на сонце. По два дена, смелете ја исушената кора од портокал и направете прашок од неа. Со добиениот прав направете ја следната маска:
Состојки:
- 1 лажичка прав од портокал
- 1 лажичка мед
- 1 лажичка јогурт или урда
- прстофат куркума
- малку вода
Подготовка: Добро измешајте и соединете ги сите состојки, па нанесете ги на лицето и држете ги околу 15 минути. Потоа измијте го лицето со ладна вода.
