Ефикасен пијалок од ракија и билки помага при настинки, болки во стомакот, аритмија и главоболка. Билна ракија може да направи секој сам во домашни услови. Во рецептот се користат многу билки или лековити треви и тие треба да се стават во алкохолен раствор токму во времето кога цветаат или се во сезоната на бербата, кога се најмногу лековити.

Од сите билки се зема по една рака и се става во тегла од 3 литри, каде пред тоа се сипа 1,5 л домашна ракија. Од време на време содржината треба да се меша со дрвена лажица.

Лековити растенија, кои влегуваат во составот на овој пијалок со ракија се:

  • Нане, кога цвета
  • Жолт Кантарион – цветовите
  • Млади лозови листови
  • Капина – млади листови
  • Коприва – листови и семе
  • Копар – листови и цветови
  • Лешник – листови
  • Магдонос – листови и цветови
  • Сончогледови цветови – 2 парчиња мали цветни чешли,
  • Слез– цветови,
  • Дренка – листови,
  • Смоква – листови,
  • Јагода – листови,
  • Цреша – листови,
  • Орев – листови,
  • Костени – листови,
  • Босилек – листови и цветови,
  • Гераниум – листови,
  • Бршлен – листови.

Кога во ракијата ќе се стави и последната билка, смесата се промешува добро со дрвена лажица и се остава да отстои 20 дена. По престојот се промешува уште еднаш добро и се прецедува така што растенијата се притискаат силно со рацете додека излезе целата течност.

Лековитиот пијалок со ракија и билки се чува во стерилни стаклени садови кои се затвораат добро.

Од билната ракија се зема внатрешно по 1 лажица 3 пати на ден, а надворешно се мачка на болните места по потреба.

Сподели