osteoporoza

Остеопорозата е болест на коските која го зголемува ризикот од фрактури. Бројот на заболени се зголемува секојдневно, а во Македонија се претпоставува дека околу120.000 луѓе имаат остеопороза, меѓу кои 90.000 жени на возраст над 50 години. Таа се карактеризира со намалување на коскената маса, кое води до намалување на цврстината на коските и појавата на скршеници, најчесто во областа на колковите и зглобовите.

Секоја петта жена и секој осми маж по 50-тата година заболува од остеопороза, која се повеќе зема замавна тивка епидемија. Оваа болеста не покажува видливи симптоми. Најчесто се открива дури откако луѓето ќе настрадаат од скршеница. Дел од лекарите велат дека граѓаните треба да делуваат уште во најраната возраст, за да се заштитат од подоцнежните последици.

Најчесто на преглед пациентите доаѓаат кога веќе чувствуваат одредени проблеми – спонтани искршеници на пршлените, изразен губиток на минералната густина на скелетот, значи во напредната фаза на болеста. Здравите животни навики во однос на исхраната, редовно движење, вежби итн. се важни не само за возрасната група пациенти туку треба да се влијае и децата уште од предучилишните установи да формираат здрави навики и да ја создадат резервата на коскеното ткиво со цел на тој начин да го одложиме појавувањето на остеопорозата – објаснуваат дел од лекарите.

Постојат три фактори што се многу важни за зачувување на здравјето на коските, а тоа се редовно внесување на калциум и витамин Д, како и редовна физичка активност. За дополнително да го намалите ризикот од остеопороза, треба да се откажете од пушењето, да ја намлите консумацијата на кофеин и алкохол и да ги откажете газираните сокови. Физичката активност и исхраната се основа во превентивата од остеопороза.

Сподели