Колку е корисна боранијата за вашето здравје?

boranija 10

Боранијата е нискокалоричен зеленчук и во просек содржи 90% вода. 100 грама боранија има само 42 калории, 2,2 грама протеини, 0,2 грама масти и 7,6 грама јаглени хидрати. Боранијата содржи и многу минерали и витамини. Во 100 грама боранија има 52 милиграми калциум, 45 милиграми фосфор, 0,7 милиграми железо, манган, кобалт, никел, цинк и многу други микроелемнти. Содржи и каротин (провитамин А), витамини Б1, Б2, Б6, Ц и Е.

Боранијата содржи разни хранливи корисни и лековити состојки: aргинин, бакар, протеини, јагленохидрати, растителни масти, растителни влакна – целулоза, Б витамини, витамини Ц, Е, К, ПП, железо, инозитоли, калиум, калциум, кобалт, магнезиум, манган, минерални соли, натриум, никел, сапонини, селен, фолна киселина, флуор, фосфор, цинк…

Во мешунките на боранијата има 0,7-0,8% инозитол, кој го јакне срцето и го регулира метаболизмот. Боранијата го ослободува човековиот организам од отровните материи и е природен диуретик т.е. го зголемува излачувањето на урината. Исто така, боранијата го намалува нивото на шеќерот во крвта.

Боранијата е богат извор на растителни влакна, кои се неопходни за нормална функција на дебелото црево. Помага во превенцијата на ракот на дебелото црево. Витаминот Ц и бета каротините, исто така, помагаат во одржувањето на здравјето на дебелото црево.

Advertisement