Малите деца до тригодишна возраст најчесто носат памперс, се додека не се навикнат да користат нокшир. Некогаш самата постапка на навикнување на детето да моча на нокшир изгледа пеколна и исцрпувачка. На децата им е потребен одреден период да се адаптираат на новата ситуација што значи дека на самиот почеток пружаат отпор.
Многу мајки се тешат со тоа дека се уште е рано нивните деца да се одвикнат од мочањето во пелени. За да не се доведете себеси и вашето дете во таква ситуација треба да направите план како да го изведете целиот процес. Навикнувањето на нокшир мора да оди по некои природен тек. Детето е подготвено на тој чекор некаде околу втората година кога покажува одредени знаци.
Мајките треба да ги следат неговите знаци, за да знаат дали тоа е спремно на тој чекор, дали сака да носи гаќички, дали пелената му е сува или влажна и дали се жали на влажни пелени. Кога веќе ќе тргнете да го навикнувате детето да користи нокшир, тогаш немој да се откажувате, за да не го збуните.